Presidentja e Kosovës merr vendim të pa pritur për policin e vrarë …
E hëna ditë zie në nderim të policit të rënë në detyrë, Afrim Bunjaku
Presidenca e Kosovës njoftoi se dita e hënë është shpallur ditë zie në nderim të oficerit policor, Afrim Bunjaku, të rënë në detyrë mëngjesin e hershëm të së dielës nga formacione ushtarake terroriste në fshatin Banjskë të Zveçanit.
Njoftimi i Presidencës:
Presidentja Vjosa Osmani e shpallë të hënën ditë zie shtetërore në nderim të policit të vrarë, Afrim Bunjaku
Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 25 shtator 2023, të shpallet ditë zie, shtetërore në nderim të policit Afrim Bunjaku, i vrarë në veri të vendit.
Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi.
