Jul Deda është një nga banorët e “Big Brother VIP Albania 3”. Në vetëm 72 orët e para të programit, Juli arriti që të bëhet protagonist i programit, duke u komentuar shpesh edhe në media.

Ndër situatat e ndryshme që Juli ka qenë i përfshirë brenda shtëpisë së reality show-t, ai mori vëmendje edhe për një deklaratë të bërë në vitin 2015.

Asokohe ai shprehej se “Big Brother” është programi më amoral dhe pa sens i realizuar ndonjëherë, madje shtonte se programe të tilla të shkatërrojnë parimet e jetës.

Mirëpo deklaratat e ndryshme që Juli ka dhënë kohë më parë po rikthehen sërish në vëmendje me hyrjen e tij në “BBVA”. Pas asaj për “Big Brother”, ndjekësve iu është kujtuar një deklaratë e aktorit për Luiz Ejllin.

Ky i fundit shprehu hapur mbështetjen për kryetarin e Partisë Socialiste në Shkodër, Benet Becin, ç’ka nxiti edhe reagimin e shumë personave, përfshirë këtu edhe Jul Dedën.

‘Ne nuk mbajmë njeri me zor. Ai e ka quajtur mirënjohje, unë e quaj standard të dyfishtë. Nëse ti do të jesh mirënjohës ndaj një personi që të ka bërë nder së fundmi, duhet të jesh mirënjohës edhe ndaj gjithë atyre personave që të kanë bërë nder gjatë jetës tënde. Nëse thua që ja di për nder Benet Becit, duhet të shprehesh mirënjohje edhe ndaj personave falë të cilëve ishe në pozicione të larta pune në Paris.’- u shpreh Juli muaj më parë.