Shkon në 4 numri i të arrestuarve për vrasjen e Liridona Ademajt
Policia e Kosovës ka arrestuar edhe personin e katërt që dyshohet se është përfshirë në rastin e vrasjes së Liridona Ademajt.
Sipas gazetës “Sinjali” i personi është arrestuar për shkak se dyshohet që ka furnizuar me armën e krimit Naim Murselin dhe Granit Plavën.
Më herët është raportuar se armën e krimit, Plavës ia dha Murseli, ndërsa mbetet ende e paqartë nëse personi i katërt i arrestuar tashmë në këtë rast, është ai që ia ka dhënë armën Naim Murselit.
Identiteti i të arrestuarit nuk bëhet ende i ditur.
