Vëllai i Liridona Ademajt ka reaguar pas publikimit në media të dëshmisë së Naim Murselit dhënë hetuesve policorë më 1 dhjetor.
Leonard Ademaj tha se nuk komentojnë përmbajtjen e deklarimeve për të respektuar në plotni procedurën penale.
“Këtë javë prokurorja e rastit së bashku me hetuesit kanë intervistuar të dyshuarit për vrasjen e Liridonës tonë. Ashtu siç parashihet me ligj, ne si familje kemi marrë pjesë në intervistim përmes avokatit tonë”.
“Per te rrespektuar ne plotni sekretin hetimor dhe procedurën penale, ne nuk do të komentojmë përmbajtjen e deklarimeve”, ka shkruar Ademaj.
Tutje, vëllai i Liridonës tha se familja është e kënaqur me mënyrën se si prokurorja ka organizuar intervistimin e të dyshuarve dhe kanë besim të plotë në punën e saj.
“Drejtësia duhet dhe do të triumfojë, për Liridonën tonë dhe për të gjitha gratë e vajzat e vrara”, ka shkruar ai në Facebook.
