Merrte 1500€, i riu lë Gjermaninë dhe kthehet në Shqipëri: Andej s’të del, kurse këtu…
Andi Sokoli nga Lezha ishte 18 vjeç ku vendos të emigronte drejt Gjermanisë ku punoi 2 vjet si picajol.
“Më dukej si ëndërr, mendoja si të gjithë, do shkoj të bëj lekë. Por e provova, nuk ishte siç thoshin të tjerët”, tregon fillimisht i riu.
Pasi bëri disa llogaritë i riu vendosi për t’u kthyer në Lezhë, ku nisi punën po si picajol.
“Unë si picajol merrja 1.500 euro, por duhet të paguaja, transportin, shtëpinë, të haja të pija. Maksimumi, makismumi më mbeteshin 300 euro. Këtu paguhem 1 milionë lekë, por kam shtëpinë dhe makinën time, nuk shpenzoj shumë nga rroga. Këtu në Shqipëri siç e merr rrogën e ke tënden”, tregon Andi Sokoli i cili duhet të jetë një shembull për bashkëmoshatarët e tij.
Ky djalë i angazhuar nga mëngjesi deri në darkë nuk është penduar aspak që është kthyer në Shqipëri, madje ka dhe një mesazh për bashkëmoshatarët e tij.
