“Hiqet çeku me lekë”/ Miratohet propozimi i Qeverisë Rama, kush preket nga “ndryshimi i ligjit”…

Komisioni i Ligjeve ka miratuar ndryshimet e propozuara nga Qeveria Rama në projektligjin për asistencën sociale. Me ndryshimet e miratuara në komision, fëmijët e emigrantëve shqiptar që jetojnë jashtë vendit nuk do të marrin më bonusin bebes të cilin e kanë përfituar deri më tani.

Zv.ministrja e Shëndetësisë deklaroi gjatë punimeve të komisionit se prioritet kanë fëmijët që lindin dhe jetojnë në Shqipëri, me qëllim që të rritet lindshmëria në vend. Deri më tani, bonusi është përfituar për të gjithë fëmijët e regjistruar në Shqipëri, edhe nëse foshnja ka lindur jashtë shtetit.

Qeveria i mbështetur familjet nëpërmjet dhënies së çekut 400 mijë lekë te vjetra për fëmijën e parë, 800 mijë lekë për fëmijën e dytë dhe 1 milion e 200 mije te vjetra për fëmijën e tretë.