Kiara Tito është duke shijuar shtatzaninë e saj por mesa duket jo çdo gjë po shkon ashtu siç duhet. Moderatorja e njohur ka treguar se momentalisht nuk është në një gjendje të mirë shëndetësore.

Përmes një postimi të bërë në profilin e saj të Instagramit, Kiara ka publikuar një “selife”, në të cilën duket paksa e lodhur dhe bashkangjitur saj, ka shkruar se është në një gjendje gripale.

“Një herë në muaj me grip. Epo mirë…”, shkruan moderatorja në postimin e bërë në Instastory.
Në një intervistë të dhënë së fundmi, Kiara ka zbuluar më shumë për shtazaninë, ndryshimet në jetën e saj, planet e 2024 e shumë të tjera.

Gazetarha: Çfarë të mungon më shumë në këtë periudhë shtatzanie?

Kiara: Nuk e kisha menduar që do të më mungonte sallata jeshile, se nuk lejohet të konsumohet, duhet larë mirë dhe nuk e ha e kam shmangur, por më shkon mendja kot ndonjë herë kur e mendoj… Më komentojnë nëse kam hequr dorë nga cigarja. Kam hequr dorë nga momenti që kam marrë testin në dorë e kam hequr dhe se kam futur më në gojë, iku dhe cigarja…

Gazetarja: Je mërzitur për peshën?

Kiara: Jo nuk jam se këto janë kilet më të bukura që mund të marr një vajzë në jetë gjithmonë kam dashur të marr disa kile dhe po e shijoj shumë.

Kujtojmë se për Luiz Ejllin dhe Kiara Titon, data 24 dhjetor është një datë mjaft e rëndësishme, pasi njohën njëri-tjetrin. Një vit më parë, ata ishin ndër banorët që u bënë pjesë e edicionit të dytë të “Big Brother VIP”. Rrugëtimi i tyre brenda shtëpisë më të famshme në Shqipëri ka qenë me shumë emocione, sfida, gëzime, të qeshura, lot, por me një fund të lumtur. Ata u dashuruan, krijuan një lidhje dhe u martuan. E tani janë edhe në pritje të një vajze.