Ky është polici që mbeti i vrarë në veriun e vendit
Një polic i Kosovës ka mbetur i vrarë, e një tjetër është plagosur gjatë një sulmi që ndodhi mbi Policinë e Kosovës në veriun e vendit.
Tashmë është zbardhur edhe identiteti i policit të vrarë në veri. Ai është Afrim Bunjaku nga fshati Samadrexhë i Vushtrrisë.
Bunjaku bëhet polici i dytë i rënë në detyrë në pjesën veriore të vendit, pas vrasjes së Enver Zymberit në vitin 2011.
Edhe Zymberi, njëjtë ishte nga komuna e Vushtrrisë.
