Trupat shqiptare në ndihmë të Greqisë për zjarret, reagon Mitsotakis: Faleminderit!
Kryeministri grek Kyriakos Mitsotakis ka falenderuar Shqipërinë për dërgimin e trupave zjarrfikëse dhe mjeteve që do të ndihmojnë për shuarjen e zjarrit.
https://twitter.com/PrimeministerGR/status/1694372897387647473?ref_src=twsrc%5Etfw%7Ctwcamp%5Etweetembed%7Ctwterm%5E1694372897387647473%7Ctwgr%5Eaaa258fcfe4802167a4f2c5db88a80ec57bd5a0d%7Ctwcon%5Es1_&ref_url=https%3A%2F%2Ftvklan.al%2Ftrupat-shqiptare-ne-ndihme-te-greqise-per-zjarret-reagon-mitsotakis-faleminderit%2F
“Falenderimet tona për Shqipërinë që dërgoi në Greqi 48 zjarrfikës dhe 9 mjete që të na bashkohen ndërsa luftojmë zjarret në Aleksandropoli. Faleminderit, Shqipëri”, shkruan Mitsotakis në postimin e tij në rrjetet sociale ku ka etiketuar edhe Kryeministrin Rama.
Zjarret masive në Greqi vijojnë të jenë jashtë kontrollit në zonat përreth Aleksandropolit, atje ku të martën u gjetën të shkrumbuar në pyjet e djegur edhe trupat e 18 emigrantëve të jashtëligjshëm.
Fillimisht Greqia deklaroi se vendet e BE kishin plotësuar nevojën për trupat tokësore dhe nuk ishte e nevojshme të dërgohej ndihmë nga Shqipëria. Disa orë më vonë u bë me dije se forcat shqiptare do të shkonin drejt Greqisë për të ndihmuar në shuarjen e flakëve./tvklan.al
